ИСОГКП · Каде што науката се среќава со инженерството
Применети проекти
Практична инженерска, консултантска и теренска работа за побезбедни згради, мостови и инфраструктура.
01 · МОСТ „БЕЛАСИЦА“
Процена на конструктивната сигурност на мостот „Беласица“ по пожарот
Сеопфатна процена на оштетувањата од пожар на преднапрегнатиот бетонски мост преку теренски прегледи, испитувања и напредна конструктивна анализа.
Методи за процена
Комбинирани беа визуелни прегледи, недеструктивни и деструктивни испитувања, пробно товарење, како и моделирање со конечни елементи и термички анализи за процена на оштетувањата на бетонот, оголената арматура и состојбата на каблите за преднапрегање.
Клучен резултат
Процената не утврди релаксација на каблите или конструктивни деформации што ја нарушуваат носивоста. Санацијата затоа беше насочена кон обновување на заштитниот бетонски слој, спречување корозија и продолжување на работниот век на мостот.
Теренски испитувања под мостотДокументирани оштетувања од пожарНаод од местото на пожарот
02 · УНИВЕРЗАЛНА САЛА
Експертиза на опожарената нова конструкција на Универзална сала во Скопје
Сеопфатна процена на новата челична купола со дијаметар од 37,5 метри по пожарот во април 2024 година, преку детален визуелен преглед и лабораториски испитувања на опожарените челични елементи.
Методи за процена
Столбовите, гредите, лаковите на куполата, секундарните елементи и прстените беа класифицирани според степенот на оштетување. На избрани примероци беа испитани границата на течење, јакоста на затегнување, еластичноста и дуктилноста, со посебно внимание на локалното набабрување на затворените профили изложени на висока температура.
Клучен резултат
Главните носечки елементи немаа видливи пластични деформации и ги задржаа механичките својства. Не беше потребна замена или обемна санација на примарните елементи; препорачана беше замена само на ограничен број потешко оштетени секундарни елементи.
Преглед на челичната куполаПожарот во април 2024 годинаЛокално набабрување на затворен профилКласификација на зафатените елементиТимот при теренскиот преглед
Дополнителни применети активности
Инженерски услуги и теренски процени
01 · МПС
Проверка на проект за градба
Независна проверка на пресметките и документацијата за конструкцијата во постапката за одобрение за градење.
